ბოლონიური ანკესის ჯოხი
ბოლონიური ანკესის ჯოხი გახლავთ ყველაზე უნივერსალური ტივტივით სათევზაო ჯოხი. ძველ მეთევზეებს კარგათ ახსოვთ, თუ რა ფურორი მოახდია ტელესკოპურმა, გამტარი რგოლებით აღჭურვილმა, ჯოხმა რომელიც საბჭოთა ბაზარზე პირველად გამოჩნდა. სწორედ ეს გახლდათ ბოლონიური ანკესის ჯოხი. ჩვენ ამ ჯოხებით ვთევზაობდით როგორც ტივტივაზე, ასევე ე.წ. დონკაზე და სხვათა შორის არ გვიწევდა ცუდ სამსახურს. სწორედ ამაში მდგომარეობს თანამედროვე ბოლონეზების უნივერსალობაც. ამ აკესით, პრქტიკულად, შეასაძლებელია საქრთველოში არსებულ ყველა სახეობის თევზზე თევზაობა. მას იყენებენ როგორც დამდგარ წყალში, ასევე მდინარეზეც. ხოლო სწორად აწყობილი კოჭას ფრიქციონი კი საშუალებას მოგცემთ დიდი თევზიც მოიყვანოთ ჩოგანბადემდე.
თანამედოვე ბოლონეზი წარმოადგენს გრძელ, გამტარი რგოლებით აღჭურვილ, მსუბუქ, ტელესკოპურ, ანკესის ჯოხს, რომელზედაც აუცილებლად დაყენებულია კოჭას დამჭერი მოწყობილობა. მათი სიგძე მერყეობს 4 მ.-დან 11მ. -დე.
მე გირჩევთ, განსაკუთრებით დამწყებ მეთევზეებს, საშუალო სიგრძის ჯოხს, ვინაიდან გრძელი ჯოხები მძიმე და მოუქნელია, ხოლო მოკლეები რთული სახმარია გატარებით თევზაობის დროს.
არ არსებობს რაიმე განსაკუთრებული კოჭა ,რომელიც მხოლოდ ბოლონიური ანკესისთვის არის შექმნილი. ამიტომ შეიძლება გამოვიყენოთ ნებისმიერი არსებული კოჭები. იდეალურია მატჩის კოჭები, რომელთაც უფრო რბილი ფრიქციონი გააჩნიათ.
მშვენიერია აგრეთვე უინერციო ჩვეულებრივი, სპინინგის კოჭაც. მე ამ შემთხვევაში უპირატესობას უკანა ფრიქციონით აღჭურვილ კოჭას მივანიჭებდი (ჩემთვის მოსახერხებელია).
ერთადერთი, რაც ჩემი აზრით მიუღებელია ბოლონიურ ჯოხთან ეს არის მულტიპლიკატორული კოჭა. ის ძალიან მოუხერხებელია ამ სტილით თევზაობის დროს.
რაც შეეხება ინერციულ კოჭას, რომელსაც დღემდე წარმატებით იყენებენ ქართველი მეთეევზეები, ვფიქრობ, წარმოადგენს მდინარეზე გატარებით თევზაობის დროს ერთ-ერთ შეუცვლელ კომპონენტს. ბევრ მეთევზეს ახსოვს რუსული კოჭა ‘’ ნევსკაია“ აი სწორედ ამ ტიპის კოჭას ვგულისხმობ.
მსუბუქი ბოლონიური ანკესი აღჭურვილი ასეთი კოჭათი დამერწმუნეთ დიდ სიამოვნებას მოგანიჭებთ გატარებით თევზაობის დროს, თუმცა ტექნიკა რომელსაც ასეთი თევზაობა მოითხოვს საკმაოდ რთულია და გარკვეულ ვარჯიშს და ჟარგონი რომ ვიხმაროთ „დამუღამებას“ საჭიროებს.
ბოლონიური ანკესის აღჭურვა არაფერ განსაკუთრებულ ცოდნას არ მოთხოვს. ძირითად შემთხვევაში იხმარება ყრუ მონტაჟი, იშვიათ შემთხვევაში, განსაკუთრებთ დიდ სიღრმეებზე, შეიძლება სრიალა ტივტივაც დავაყენოთ.
ბოლონიური ანკესის ტივტივა ოდნავ განსხვავდება მოსაქნევი ანკესის ტივტივისგან. ვინაიდან ბოლონეზს ხშირად ხმარობენ გატარებით თევზაობის დროს, ამიტომ ტივტივის წვერი უფრო სქელი უნდა იყოს, რადგანაც ზოგჯერ საკმაოდ შორს გიწევთ მისი გაშვება და ასეთ დროს წვრილი წვერის ჩაკვრა შეიძლება ვერც კი შენიშნოთ.
რაც შეეხება სიღრმეზე თევზაობას, ასეთ დროს სრიალა ტივტივა უნდა გამოიყენოთ, რომლის საჩერის ფუნქციას პატარა სილიკონის ე.წ. სტოპორები შეასრულებენ. ასეთ შემთხვევაში ყურადღება მიაქციეთ ანკესის წვერს, რომელიც ძალიან წვრილი დიამეტრით გამოირჩევა და დიდი ზომის სილიკონის სტოპორმა, შეიძლება, გადაგდების დროს, პრობლემები შეგიქმნათ.
ძუის შერჩევის დროს გაითვალისწინეთ თუ რა ზომის თევზია წყალსატევში, ისე ჩვეულებრივი მონოფილიც სრულიად საკმარისია და თავის საქმეს მშვენივრად ასრულებს. სადავე რა თქმა უნდა ნაკლები დიამეტრის უნდა შეარჩიოთ, ძირითად ძუასთან შედარებით და ერთმანეთს ანტიდამხვევი რვიანით გადააბათ. ეს აგარიდებთ შორ მანძილზე თევზაობის დროს, სადავის გადახლართვის მეტად უსიმოვნო მომენტს.
ბოლონიური ანკესი, თავისი მრავალფეროვნებით, არის იდეალური ვარიანტი დამწყები და მოყვარული მეთევზეებისთვის.
წარმატებულ თევზაობას გისურვებთ.
პატივისცემით: გიგა ამაშუკელი
