ტივტივით თევზაობის დროს საჭირო სათევზაო ნივთები.
ამ სტატიაში მინდა მოგითხროთ და გირჩიოთ თუ რა ნივთები უნდა გქონდეთ თან, ტიტვტივით, თევზაობის დროს. სათევზაოდ გასვლა ორ ძირითად მიზანს ემსახურება, ერთი რომ თევზი დაიჭიროთ და მეორე, მაქსიმალური სიამოვნება მიიღოთ ამ არაჩვეულებრივი დასვენების საშუალებით. აქედან გამომდინარე მეთევზის ზურგჩანთა აღჭურვილი უნდა იყოს ყველა საჭირო ნივთიდ, რომელიც სასიამოვნოს გახდის თქვეს თევზაობას და წყლის პირას არ მოგიწევთ მეზობელი მეთევზეების შეწუხება სხვადასხვა შექმნილი პრობლემების გამო. ჩემთანაც მოსულა მეთევზე და უთხოვია ხან ჭია, ხან ნესკავი და ა.შ. უფრო ახალგაზრდობაში, მეც ჩამიდენია ანლოგიური ქმედება მაგრამ დროთა განმავლობაში გადავწყვიტე, რომ მსგავს ქცევას ადგილი აღარ უნდა ჰქონდეს და გარკვევით ჩამოვაყალიბე იმ სათევზაო აღჭურვილობის სია, რომელიც ყოველთვის თან უნდა ჰქონდეს სპორცმენ თუ მოყვარულ მეთევზეს.
ანკესის ჯოხებს ამ სტატიაში არ შევეხები, ვინაიდან ეს თემა სხვაგან არის საკმაოდ დეტალურად განხილული, ამიტომ უფრო სხვა, ერთი შეხადვით მეორე ხარისხოვან ნივთებზე გადავალ, თუმცა თევზაობის დროს მეორე ხარისხოვანი ნივთი არ არსებობს და ამაში ყველა გამოცდილი მეთევზე დამეთანხმება.
მაშ დავიწყოთ:
პირველ რიგში თქვენ დაგჭირდებათ სათევზაო ყუთი. ეს გახლავთ მეთევზის აუცილებელი ატრიბუტი, რომელშიც მოათავსებთ ყველა საჭირო ნივთს. ყუთები მრავალგვარია; ზომის და ფორმის მიხედვით. ამიტომ თქვენი გადასაწყვეტია თუ როგორს აირჩევთ.
აუცილებლად დაგჭირდებათ ანკესის ჯოხებისთვის ან ჩიხოლი ან ტუბუსი, რათა გადაადგილების დროს, თუნდაც მანქანაში, შემთხვევით არ დაგიზიანდეთ ძვირფასი ანკესის ჯოხები .
ასევე უნდა იზრუნოთ ანკესის დასადებ ჯოხებზე. ესენი მრავლად მოიპოვება ქართულ ბაზარზე და რაც მთავარია ყველა ფასის, ფორმის და ზომის შეიძლება ნახოთ. თუ მაინც და მაინც გაჭირვებაა მდინარის თუ ტბის პირასაც იპოვის კაცი ჯოხის დასადებს.
თანამედროვე თევზაობა წარმოუდგენელია თევზის დაკვების გარეშე. აუცილებლად იქონიეთ სპეციალური ვარცლი, რომელშიც მომზადებთ დასაკვებ მასას. ისინი სხვადასხვა ზომის და ფორმის არსებობს, მათ შორის ნაჭრის, დასაკეცი და პლასტმასის. ასე რომ არჩევანი დიდია. არ დაგავიწყდეთ თვითონ საკვების ყიდვაც.
შემდეგი რაც დაგჭირდებათ ეს არის სკამი. ამ შემთხვევაშიც ძალიან დიდი არ ჩევანია და თქვენი გადასაწყვეტია როგორს აირჩევთ. ერთი კი მინდა გირჩიოთ: გაითვალისწინეთ თქვენი წონა, ისე რომ სკამმა უნდა გაგიძლოთ რამოდენიმე საათი და თავიც ამ სკამზე კომფორტულად იგრძნოთ.
სათავსურა და ჩოგანბადე. ეს ორივე უმნიშვნელოვანესი ატრიბუტია და მის გარეშე სათევზაოდ წასვლა დაუშვებელია. მათ მნიშვნელოაბაზე საუბარი შორს წაგვიყვანს. შეარჩიეთ თქვენთვიშ მოსახერხებელი სიგრძის ჩოგანბადე, მინიმუმ 2 მეტრი და სათავსურა, იგივე ოჩხი, .მინიმუმ 3 მეტრი.
ნემსკავები. პირველ რიგში უნდა გაარკვიოთ თუ რომელ და რა ზომის თევზზე მოგიწევთ თევზაობა. ასევე რა სატყუარათი გინდათ თევზის მოპოვება და ამის მიხედვით შეარჩიოთ ნემსკავები. ეს რაც შეეხება კონკრეტულ შემთხვევას, ისე კი ეცადეთ თან იქონიოთ ყველა ზომის თუ ფორმის ნემსკავები, მითუმეტეს თუ უცნობ წყასატევზე მიდიხართ და არ იცით რომელ თევზზე მოგიწევთ თევზაობა. აქვე გირჩევთ: ეცადეთ სახლში დაამზადოთ სადავეები, სხვადასხვა ზომის ნემსკავებით. რაც შეეხება კონკრეტულად რომელ თევზზე რა ზომის, ფირმის და ფორმის ნემსკავია საჭირო, ეს უკვე პროფესიონალური თემის საგანია და ყველა სპორცმენს თავისი მიდგომა გააჩნია. დროთა განმავლობაში ყველას უყალიბდება საკუთარი შეხედულება და დამწყებ მეთევზეებსაც ნელ-ნელა ჩამოუყალიბდებათ თავიანთი აზრი.
არ დაგავიწყდეთ ნესკავების შესანახი სპეციალური ყუთები, რომლებიც ფართო სპექტრით არიან წარმოდგენილი ჩვენს სათევზაო მაღაზიებში.
ძუა. მე გირჩევთ მონოფილი დააყენოთ და აი რატომ: ამ ტიპის ძუას გააჩნია კარგი წელვადობა, რაც ტივტივით თევევზაობის დროს აუცილებელი მომენტია, მითუმეტეს თუ ახლო დისტანციაზე გიწევთ თევზჭერა. ძუამ გარკვეულ წილად უნდა „ჩააქროს“ დიდი თევზის მძლავრი გაკვრები, წინააღმდეგ შემთხვევაში შეიძლება თევზი გაგვექცეს. არ დაგავიწყდეთ, რომ სადავე, ორი მეათედით, კვეთით ნაკლები მაინც უნდა იყოს ძირითად ძუაზე. მაგ. თუ ძირითადი ძუა 0.20 გიყენიათ, სადავედ 0.18 მეტი არ უნდა იხმაროთ. სადავეც ყიდვის დროს
წელვადობაზე შეამოწმეთ. მასაც უნდა ჰქონდეს ეს თვისება და უნდა იყოს რბილი (არა ხისტი). კიდევ გავიმეორებ: სადავეები გაამზადეთ სახლში, სხვადასხვა სიგრძის და სხვადასხვა ზომის ნესკავებით აღჭურვილი, ვინაიდან თევზაობის დროს მარტივად და სწრაფად შეცვლით მას იმის და მიხედვით, თუ რა ზომის და რომელი სახეობის თევზი წამოვა. სულ რომ ერთი ზომის თევზი მოდიოდეს, სადავე, გარკვეული დროის შედგომ მაინც შესაცველი გაგიხდებათ. ასე რომ მოიმარაგეთ გამზადებული სადავეები, რომლებიც სპეციალური ყუთით უნდა ატაროთ.
საჩერი. იგივე სტოპერი. ესეც მნიშვნელოვამი ელემენტია და სრიალა ტივტივის დროს ასრულებს ძუაზე მის შეჩერების ფუნქციას, ჩვენთვის განსაზღვრულ სიღრმეზე. ეცადეთ შეარჩიოთ იმ ზომის სტოპერი, რომ გადაგდების დროს აკესის გამტარ რგოლებში თავისუფლად ეტეოდეს.
სიმძიმე. თივტივით ტევზაობის დროს ყოველთვის თან უნდა გქონდეთ სიმძიმეთა ნაკრები. განსაკუთრებით მძიმე ტყვიები თქვენ არ დაგჭირდებათ საკმარისია თან იქონიოთ სპეციალური მრგვალი ტყვიების ნაკრები რომლებიც ნახევრად არის ჩაჭრილი და ამით დაამძიმოთ თქვენი ტივტივა. მათი მოხსნა დამაგრება სწრაფად ხდება და არ დაგეკარგებათ ძვირფასი დრო. როგორც ხედავთ სურათზე, კოლოფზე მითითებულია ბურთულების წონები ეს დაგეხმარებათ ზუსტად შეუსაბამოთ წონა თქვენს ტივტივას.
ტივტივა. თან ყოველთვის იქონიეთ სხვადასხვა ტივტივების რაოდენობა. რომლებიც ფორმით, ზომით, ფერით და სხვა პარამეტრებით იქნებიან ერთმანეთისგან განსხვავებული. ეს პირობითად, რა თქმა უნდა, ვინაიდან თუ მატჩის ანკესით მიდიხართ სათევზაოთ, მაშინ ვაგლერები დაგჭირდებათ, ხოლო თუ მოსაქნევი ანკესით - სტიკი. მაგრამ მე მაინც ვცდილობ თან მქონდეს ყველანაირი ტივტივა რა იცი რა ხდებას პრინციპით, ეს ხუმრობით რა თქმა უნდა და მხოლოდ დამწყებებს ეხებათ.
დანა. აუცილებელი ატრიბუტია და მე პირადად ბევრ რამეში გამომდგომია. სასურველია მრავალ ფუნქციურ დანებზე შეაჩეროთ არჩევანი და დამიჯერეთ კარგი დანა ფასდაუდებელ სამსახურს გაგიწევთ არამარტო თევზაობის დროს.
პატარა მაკრატელი. ეს ძალიან მოსახერხებელი ნივთია, თუნდაც ძუის გადასაჭრელად. სხვას რომ თავი დავნებოთ, არ მოგიწევთ ძუის კბილებით გაწყვეტა. ამ ნივთსაც იშოვით სათევზაო მაღაზიებში.
მარწუხი. ეს გახლავთ სპეციალური ინსტრუმენტი, რომლის საშუალებითაც თქვენ მოხსნით და მოუჭერთ სიმძიმის ბურთულებს ძუაზე, ისე რომ მას არ დააზიანებთ. დამიჯერეთ ტივტივით მოთევზავევესთვის შეუცვლელი ნივთია.
ბრტყელტუჩა. ამ ნივთს მრავალგვარი გამოყენება შეიძლება მოუძებნოთ. ერთს გეტყვით მაგალითად. ვთქვათ ნემსკავი ტანსაცმელზე გამოგედოთ, რაც ხდება ხოლმე. ასეთ შემთხვევაში ნუ ეცდებით ნესკავის უკან გამოძრობას და თუ ამას მოახერხებთ, რაც სკმაოდ ძნელია, აუცილებლად გააფუჭებთ ჩასაცმელს. ამას ჯობია სადავე გაწყვიტოთ, ბრტყელტუჩა მოკიდოთ ნესკავის წვერს და საპირისპირო მიმართულებით, ფრთხილად ამოაძროთ. ეცადეთ რომ ეს ინსტრუმენტი პატარა და კომპაქტური იყოს რათა დიდი ადგილი არ დაიჭიროს თქვენს ჩანთაში.
ექსტრაქტორი. ამ ნივთის გარეშე, თევზის პირიდან, ფაქტიურად შეუძლებელია ღრმად გადაყლაპული ნემსკავის ამოღება.
რაიმე ნაჭერი ან პატარა ხელსახოცი. აუცილებლად დაგჭირდებათ მოსაჩვევის დამზადების შემდეგ და თევზის დაჭერის შემგომ ხელის გასაწმენდათ, რომელიც ყოველი თევზაობის დამთავრების შემეგ უნდა გარეცხოთ.
დაგჭირდებათ ასევე სპეციალური მარკერი სასურველია ორი ფერის. მათი საშუალებით ხდება ძუაზე ნიშნულების დატანა რათა ერთი და იგივე, მონიშნულ და დაკვებილ ადგილას მოვახდინოთ ტივტივის ჩაგდება.
რადგან ტერმინი დაკვება ვახსენეთ, არ შეიძლება არ შეგახსენოთ, რომ დასაკვებათ, განსაკუთრებით შორ მანძილზე, აუცილებლად დაგჭირდებათ შურდული. ეს გახლავთ სპეციალური შურდულები, რომელსაც პროფესიონალი მეთევზეები ყველა გადეგდების შემდეგ და უფრო ხშირადაც აქტიურად იყენებენ. ფაქტიურად გამუდმებით კვებავენ თევზს.
პოლარიზებული სათვალე. მე პირადად მიჭირს ამ ტიპის სათვალის გარეშე თევზაობა. პოლარიზებული ორგანული მინა საშუალებას გაძლევთ ბევრად კარგათ დაინახოთ ტივტივა, ვინაიდან ის მშვენივრად სპობს წყალზე არსებულ ბლიკებს. სათვალეები გამოდის სხვადსხვა ფასის ( ხარისხის მიხედვით), და შეფერილობის შუშით. ეს უკვე ინდივიდუალური მომენტია თუ რომელს აირჩევთ. ზოგი საერთოდ ვერ ხმარობს სათვალეს. მე მაინც გირჩევთ მოყვითალო ტონით შეფერილ სათვალეს.
დანრჩენი ნივთები როგორიც არის მაგალითად ფანარი, უმჯობესია შუბლზე გასაკეთებელი, სამედიცინო პირველადი დახმარების ნაკრები, პატარა სასწორი, უბრალოდ სასურველია, რომ მაინც გქონდეთ ჩანთაში. და საერთოდ ყოველთვის წაიღეთ თან ის ნივთი რომელსაც თქვენ ჩათვლით საჭიროთ, ვინაიდან თევზაობა იმდენად სასიამოვნო დასვენებაა, რომ ამა თუ იმ ნივთის არ ქონით, არ უნდა გაიფუჭოდ გუნება- განწყობა, თუმცა ეცადეთ არ გადატვირთოთ თქვენი ჩანთა. არ დაგავიწყდეთ, ზოგჯერ მანქანით ვერ ახერხებთ ზედ წყლის ნაპირას მისვლას და გიწევთ საკმად სოლიდური მანძილის გავლა.
ამ სტატიაში ჩამოთვლილია ის ნივთები რომლებიც მართლაც კარგ სამსახურს გაგიწევთ თევზაობის დროს და არა ააქვს მნიშვნელობა თქვენ სპორცმენი ხართ თუ მოყვარული. უბრალოდ, ძვირფას დროს აღარ დაკარგავთ სვადასხვა საჭირო ნივთების ძიებაში.
წარმატებულ თევზაობას გისურვებთ.
პატივისცემით: გიგა ამაშუკელი
