პოსტი დაწერილია 14 05 2014 - 00:44
კუმისი 2014 საგაზაფხულო ტურნირი
ამ ტურნირზე რომ არ დამეწერა ისე არ შეიძლებოდა და თან ყველაფერი ისევ ისე მახსოვს თითქოს გუშინ მომხდარიყოს . . .
ტურნირამდე ერთი სრულყოფილი ვარჯიში მოვასწარით გუნდმა, რადგან მეორე ვარჯიში თითქმის არ დაგვცალდა ამინდის გაუარესების გამო. ჩემი აზრით საკმარისი არ არის ერთი ვარჯიში დასკვნის გამოსატანად მაგრამ სულ არარაობას ჯობია...
პირველ ვარჯიშზე ვითევზავეთ ყველამ ჩვენ ჩვენი დასაკვებით, გიგას ჰქონდა სალმოს ნაზავი კოპტონთან, მახოს ჰქონდა სახლის პირობებში მომზადებული საკვები და მე მქონდა ორნაირი საკვები, ერთი იყო კოპტონი, ქატო, ორცხობილა მოზელილი ლუდში და მეორე იყო იგივე ბაზას პლიუს სენსასის შავი მოხალული საკვები, რომელიც შეიცავს კანაპლიას და ცხოველურ საკვებს და გამოირჩევა მძაფრი სუნით...ვარჯიშის ბოლოს გამოვიდა ისე რომ ჩემმა საკვებმა პლიუს ლუდით აჯობა ყველაფერს და საბოლოო შეფასება იყო ესეთი რომ ერთ საკვებს ვაჯეთებდი მე და მეორეს გიგა, რათქმაუნდა სამივესთვის . . . გვინდოდა მეორე ვარჯიშზე დაგვეზუსტებინა ყველაფერი მაგრამ არ მოხერხდა...
მოვიდა ტურნირის დღე, დილით ადრე ავედი კუმისის ტბაზე სადც პირველი მივედი, მოვიდნენ ცოტახანში თენგო, გია მახო და დავიწყეთ ტურნირის ზოლის მომზადება, ყველაფერი მოვაწყვეთ, ამოვიდა ყველა გუნდის მონაწილე და 15 გუნდი მზად იყო შერკინებისთვის... მოვხვდი B ზონაში 17 ნომრად რომელიც იყო განაპირა, მარცხნიდან არავინ მედგა...ჩემს ზონაში მოხვდა დიმიტრი ჯარიაშვილი რომელიც ჩემთვის პირველრიგში მთავარი მეტოქე იყო, გიგა მოხვდა A სექტორში სადაც იყო თენგო და მახო მოხვდა C სექტორში...
გაისმა ტურნირის სტარტის საყვირი და დავიწყეთ თევზაობა, ჩვენი გათვლებით არ უნდა დაგვეკვება და პირდაპირ თევზაობა უნდა დაგვეწყო, მე დავიწყე გიგას მომზადებული საკვებით და ტურნირის დაწყებისთანავე მქონდა გაქაჩვები მაგრამ თევზი არ ჯდებოდა, არა და ნემსკავი ოვნერი N12 გრძელ ყუნწიანი რადგან წითელი ჭი კარგად დამაგრებულიყო. გავაკეთე სენდვიჩი და დავიწყე თევზიბა თან პარალელურად მობილურით ვიგებდი თუ რას შვებოდნენ კოლეგები და ძალიან ცუდი ამბები მომდიოდა...მახოსთან კონსულტაციის შემდეგ დავიწყე რეალიზება ყველა ჩარტყმის თითმის და საკმად აქტიურადაც ვიჭერდი სხვებისგან განსხვავებით, ანუ ჩემს მარჯვნივ იდგა დავითი(კვიპრიანე), მერე მეორე დავითი ლაბაძე მერე კიდევ ორი მეტოქე და მერე დიმიტრი...მოკლედ ტურნირი მართლაც დაძაბული იყო, დაახლოებით ყოველ 3 წუთში თევზი ჯდებოდა, თუ არ ჩავთვლით პერიოდულ ჩავარდნებს მაგრამ მაინც იკვებებოდა პერიოდულა წერტილი...
დაახლოებით შუადღის მერე მესმის რომ მახომაც დაიწყო ჭერა, და გიგას ჰყავს ხრამული რომელიც დიდი იმედია, მაგრამ საერთოდ არ ვფიქრობ რომ რამის შანსი გვაქვს , ტურნირი დასრულდა და შევიკრიბეთ, გიგას ეღიმება მეკითხება თუ რა ვქენი ჩემს სექტორში და დავადგინე რომ მხოლოდ დიმიტრიმ მაჯობა და ავიღე 2 ქულა, მახომ მითხრა რომ ან პირველია ან მეორე, და ასევე მითხრა გიგამაც, ბოლოს კი გაირკვა რომ გიგამ და მახომ თავიანთ სექტორებში ერთიდაიგივე გუნდის წევრებთან ქულები გაიყვეს, ანუ 1,5 ქულა ორია A სექტორში და 1,5 ქულა ორია C სექტორში პირველი ადგილი გაირკვევა თუ რა მოხდა B სექტორში, სადაც ჩემმა აღებულმა 2 ქულამ ყველაფერი დაალაგა და ჩემს გუნდს დამაჯერებელი გამარჯვება მოუტანა...
მადლობა კიდევ ერთხელ ჩემს გუნდს ორგანიზებული ვარჯიშისთვის, ორგანიზებული ტურნირისთვისა და კეთილი სურპრიზებისათვის ;-)) :-)) მადლობა ბიჭებო რომ წლევანდელი წელი წარმატებით დავიწყეთ
ასევე მადლობა ყველა მონაწილეს, მადლობა მსაჯთა ბრიგადას გიას თამასობით, მადლობა ფედერაციას თენგოს თამადობით, მადლობა ჩვენს სპონსორებს ბატონ დავით კვიპრიანესა და ბიძინას გაწეული სამსახურისათვის და გამოყოფილი პრიზებისთვის.....