ამჯერად გაგიზიარებთ ჩემს გამცდილებას კარპ ფიშინგის მონტაჟებში გამოყენებული წნული სადავეების შესახებ. საუბარია იმ სადავეებზე, რომლებსაც იყენებენ შესაბამის მონტაჟებში. აქაც არჩევანი საკმაოდ დიდია, ამიტომ დაინტერესებულ პირებს იმედია გამოადგებათ ეს ინფორმაცია და ის დაგროვილი გამოცდილება, რაც ჩვენთან საქართველოში არსებობს.
მონტაჟებში გამოსაყენებელი სადავეები / ძუები არსებობს 2 ძირითადი ტიპის. 1. ჩვეულებრივი, კლასიკური სადავის წნული ძუები და 2. სპეციალური დაფარვის ე.წ. COATED BRAID HOOKLINK.
- კლასიკური სადავის წნული ძუები, ეს გახლავთ კამუფლირებული, ძირითადად 2 ან 3 ფერში გადაწნული რბილი წნული ძუა, ეს ძუა განსხვავებულია სტანდარტული წნული ძუისგან, პირველ რიგში იმით რომ მას ახასიათებს: სწრაფი ძირვადობა, საკმაოდ კარგი შენიღბვის უნარი, ნულოვანი მეხსიერება და ნემსკავზე კვანძებში იდეალური მოჭიდება, რაც უკვანძო კვანძის მომზადების პროცესში გადამწყვეტია.
- სპეციალური დაფარვის ე.წ. COATED BRAID HOOKLINK, ეს გახლავთ კლასიკური სადავის წნული ძუა რომელიც გახვეულია სპეციალურ დამცავ ფენაში. ეს დამცავი ფენა იცავს წნულ ძუას ერთის მხრივ დაზიანებისაგან და მეორეს მხრივ ხელს უწყობს მონტაჟის იდეალურ პრეზენტაციას. დამცავი შრე თავისებული სიმძიმეცაა, რომელიც ფსკერზე კარგად აკრავს სადავეს და წყლის ქვეშ გადახლართვის საწინააღმდეგო ძალიან ეფექტური საშუალებაა. მონტაჟის მომზადებისას ხდება სადავის ნაწილის გაფრცქვნა ამ დამცავი ფენისგან, რომელზეც კეთდება ბოილის დამჭერი ყულფი და შემდეგ ნემსკავზე უკვანძო კვანძი.
ეხლა დავახასიათებ იმ სადავეებს, რომლებსაც აქტიურად ვიყენებ მონტაჟებში, რა პლიუსები და მინუსებია, რაც გამოადგება ახლად დამწყებ მეთევზეს გადაწყვეტილების მიღებისას, მაშ ასე:
- STRATEGY STAMINA – 25 LBS, 20M, SILT, SOFT HOOKLINK - ეს არის ძალიან რბილი და სწრაფად ძირვადი სადავე, ოპტიმალური კამუფლიაჟი 3 ფერიან კომბინაციაში, კარგი სადავეა სტანდარტული თმიანი მონტაჟებისათვის.
- STRATEGY RIGID – 35LBS, 20M, SILT, EXTRA STIFF COATED HOOKLINK – ეს არის ძალიან ხისტი და სწრაფად ძირვადი დამცავი ფენის მქონე სადავე. გაცლილი ფენის შემდეგ არსებული წნულის კამუფლიაჟი აქაც 3 ფერიან კომბინაციაშია. კარგი სადავეა კომბინირებული მონტაჟებისათვის.
- STRATEGY INTENSE – 15LBS, 20M, SILT, SEMY STIFF COATED HOOKLINK – ეს არის ნახევრად ხისტი და სწრაფად ძირვადი დამცავი ფენის მქონე სადავე. გაცლილი ფენის შემდეგ არსებული წნულის კამუფლიაჟი აქაც 3 ფერიან კომბინაციაშია. კარგი სადავეა კომბინირებული მონტაჟებისათვის.
- KORDA HYBRID – 20 LBS, 20M, SOFT COATED BRAID. – ეს არის კორდას კომბინირებული სადავე, რომელიც ერთმანეთში აერთიანებს წნულისა და ხისტი ძუის საუკეთესო თვისებებს. ეს სადავე შექმნილია წყალქვეშა გადაღებების შედეგად გაანალიზებული ინფორმაციის საფუძველზე და წარმოადგენს ამ ეტაპზე ერთ ერთ საუკეთესო სადავეს. არსებობს ორი ფერის, მუქი მწვანე და მუქი ყავისფერი. კარგი სადავეა როგორც სტანდარტული, ისე კომბინირებული მონტაჟებისათვის
- KRYSTON SNAKE - BITE – 15 LBS, 20M, ADVANCED COATED BRAID. – კრისტონის ბრენდი დღეს ითვლება #1 მწარმოებლად სადავეების მწარმოებლებს შორის. ეს კონკრეტული სადავე ასევე წარმოადგენს დამცავი ფენით დაცულ ნახევრად ხისტ სადავეს. კარგი სადავეა კომბინირებული მონტაჟებისათვის.
- K KARP DYNA TEX, - 35 LBS, 16M, STIFF COATED BRAID HOOKLINK - ეს არის საკმაოდ ხისტი და სწრაფად ძირვადი დამცავი ფენის მქონე სადავე. გაცლილი ფენის შემდეგ არსებული წნულის კამუფლიაჟი აქ 2 ფერიან კომბინაციაშია. კარგი სადავეა კომბინირებული მონტაჟებისათვის.
შეჯამების სახით, მინდა ვთქვა რომ STRATEGY STAMINA / INTENSE 2 - ჯერ გამიწყვიტა თევზმა ძალისმიერი გამოყვანისას, ამიტომ მის მიმართ ნდობა აღარ მაქვს, თუმცა ღია ფრიქციონზე ცხადია ეს არ მოხდებოდა. ნუ KORDA ჩემი ფავორიტი ბრენდია და ის ცხადია დიდი ნდობით სარგებლობს, სხვათაშორის ჯერ არ უღალატია. KRYSTON ვერაფერს გეტყვით ამ ეტაპზე ვინაიდან ამ სადავეზე ჯერ თევზი არ დამიჭერია (ახალი ნაყიდი მაქვს) და რაც შეეხება K KARP - ასევე ძალიან კარგად დავახასიათებ, ვინაიდან მომწონს მისი ხარისხი და 1 წლიან პერიოდზე საკმაოდ კარგად იმუშავა, ღალატის გარეშე!!!