თენკარა
დიდი ხანია მინდოდა თევზაობის ამ სტილისთვის ჩვენ ფორუმზე თემა გამეხსნა და როგორც იქნა მოვახერხე. ვფიქრობ საქართველოს ბუნების სპეციფიკიდან გამომდინარე, ამ სტილმა დიდი პოპულარობა უნდა მოიპოვოს, რადგან თენკარა სწორედ პატარა ტყის და მთის მდინარეებისთვის არის შექმნილი, რომლებიც ჩვენში ასე მრავლადაა.
შესავალისთვის ერთი ამერიკელი მეთევზის პატარა ექსკურსს გთავაზობთ.
.........................................................................
თავდაპირველად „თენკარას“ სწორად წარმოთქმა ვისწავლოთ. ვთქვათ –თენ– (როგორც ინგლისურად 10), ხოლო შემდეგ ვთვათ –კარატე. შესაბამისად გამოგვივა თენკარატე, მაგრამ ბოლო –ტე– აღარ გამოითქმის. ასე მივიღებთ წმინდა იაპონურ ჟღერადობას!! თენკარაზე გადაღებულ ვიდეოებში სწორად ასე იხსენიებენ თევზაობის ამ სტილს თავად იაპონელები.
ამ სიტყვის ზუსტი თარგმანი თანამედროვე იაპონურ ენაში არ მოიპოვება, გვაქვს სხვადასხვა ვერსიები, თუმცა ლინგვისტების უმრავლესობის აზრით, სიტყვა თენკარა უნდა ვთრგნმოთ, როგორც „ციდან“. ხომ სწორედ ასე გამოიყურება თვეზისთვის ბუზის მიწოდება!
სანამ თენკარას ფილოსოფიას შევეხებით, ჩვენ თავს ერთი შეკითხვა დავუსვათ – რას ვეძებთ ჩვენ თევზაობაში? მონადირული ინსტინქტის დაკმაყოფილებას, თანამოაზრეებთან ურთიერთობას ბუნების წიაღში, ალაფის დაჭერის წყურვილს თუ ქალაქური ორომტრიალისგას თავის დაღწევას?
ყოველივე ეს გარკვეული დოზით ყველა მეთევზეს უფიქრია, მაგრამ თენკარა ცოტა უფრო სხვა რამაა...
უპირველეს ყოვლისა თენკარა არის გამარტოვება... განმარტოვება საკუთარ საყაროში, სადაც ხარ მხოლოდ შენ და გარშემომყოფი ველური ბუნება, რომელიც თევზაობის რამდენიმე საათის შემდეგ სრულიად გშთანთქავს, თანაც ისე, რომ შენ საკუთარ თავსაც კი აღარ ესაუბრები, აზრები სულ სხვა მიმართულებით მიედინაბა, ძალიან მნიშვნელოვანი ხდება ყველა წვრილმანი, ყვალა ცხოვრებისეული პრობლემა მეათეხარისხოვანი ხდება და ამ დროს ხდება მთავარი – იგრძნობ, რომ შენ უკვე ამ მდინარის, ტყის, ქარის, ქვების და წყალში გარინდული კალმახის მთლიანობის ნაწილი ხარ და ამის შეგრძნება შოკში გაგდებს. სწორედ ეს შეგრძნება!
არავინ იცის როდის გეწვევათ ეს მდგომარეობა – ის უეცრად მოდის, ზოგჯერ ათეულობით კილომეტრია გავლილი, ხარ დაღლილი და კოღოებისგან დაკბენილი, წვიმისგან სველი ან სიცხისგან დამწვარი, მაგრამ მზერა განუწყვეტლივ ათვალიერებს ტყის და მდინარის თითქოს შეუმჩნეველ, მაგრამ მჩქეფარე ცხოვრებას და უეცრად იგრძნობ, რომ ამ ცხოვრების ნაწილი ხარ შენც, თანაზიარი ხარ იმ აწყმოსი, რომლითაც გამსჭვალულია ირგვლივი სამყარო.
ეს არის თენკარას გზა – ბუნებასთან ერთობის გზა, მინიმალისტური და საოცრად მდიდარი.
მინიმალიზმი თენკარას იდეოლოგიაა – ყველაფერი მცირე რაოდენობით, აღჭურვილობიდან დაწყებული, საკვებით დამთავრებული. 1–2 დღიანი გასეირნება ტყის ან მთის პატარა მდინარის გაყოლებაზე იდეალური თევზაობაა.
მრავალი წელი სპინინგით ვიყავი გატაცებული, მაგრამ 2002 წლიდან თანდათან გადავედი გაშოლტვით თევზაობაზე. გაშოლტვა საოცრად ჰარმონიული თევზჭერის სტილია, მაგრამ მისი კარგად ათვისება საკმაოდ რთულია.
სწორედ მათ, ვისაც ფლაიფიშინგის სირთულე აშინებს, უნდა დაიყონ თენკარას სწავლა! ეს უძველესი თევზაობის სტილი ულამაზეს სამყაროს თანაზიარს გაგხდით.
გამოცდილი მეშოლტეც კი იპოვის თენკარაში საინტერესოს – მაგალითად მისთვის მისაწვდომი გახდება ის ადგილები, რომლებსაც ვერ სწვდებოდა კლასიკური შოლტის აღჭურვილობით. ამერიკაში, სადაც თენკარას ნამდვილი ბუმია, 30 წლის სტაჟის მქონე კლასიკოსი მეშოლტეებიც კი ეუფლებიან თენკარას, მისი გენიალური სიმარტივისა და ბუნებასთან საოცარი კონტაქტის გამო.
თენკარას აღჭურვილობა – 50–100 გრ წონის ანკესი (დაკეცილ მდგომარეობაში 50–65 სმ), რამდენიმე ხვია ძუა, კოლოფი ბუზებით – ერთ პატარა საზურგე ჩანთაში ეტევა.
თენკარაში ზედმეტი არაფერია, მხოლოდ ბუზი, ძუა, ანკესი და შენ. ასეთი თევზაობა ავითარებს დისციპლინას და ხარისხობრივად გზრდის. შეზღუდული ხარ ტყოცნის დისტანციაში – ისწავლე შეუმჩნელად მიეპარო თევზს, არ გაქვს ყველანაირი სატყუარა – ისწავლე ერთით თევზაობა (თენკარაში არსებობს ერთი სატყუარის რადიკალური კონცეფციაც), უწრილესი ძუა გაქვს და არ გაქვს კოჭა – ისწავლე თევზის გამოყვანა!
ნუ დაგვავიწყდება, რომ ტექნიკური პრიგრესი ზოგჯერ ცუდ სამსახურს გვიწევს – ის „ახალი ტექნოლოგიების“ მეშვეობით გვაშორებს მარტივ, მაგრამ ძალიან მნიშვნელოვან და საჭირო ცნებებს...
გაიხსენეთ ბავშობა, თქვენი ბამბუკის ან თხილის ჯოხი, თუ როგორ სიხარულს განიჭებდათ მისით დაჭერილი ყოველი თევზი.... განიცდით რო იგივეს ეხლა, როცა რამდენიმე ბრენდული ანკესი გაქვთ, უამრავი აქსესუარი და ტომარებით მომარაგებული დასაკვები?