მოგესალმებით მეგობრებო,
მინდა გაგაცნოთ ჩვენი კლუბისა და "საქართველოს სპინინგით ტევზჭერის ფედერაციის" ერთობლივი საქველმოქმედო აქცია-ფესტივალის ჩატარების ადგილი, თარიღი და მიზანი.
აქცია-ფესტივალი ტარდება პროექტ "ქართული კალმახის მოშენება - კეთილი საქმე"-ს მხარდასაჭერად, სტეფანწმინდის რაიონში, სოფელი სნოს მიმდებარედ არსებულ ტბაზე, 2015 წლის 2 აგვისტოს. რეგისტრაციის ბოლო ვადაა 24 ივლისი, დანარჩენი ერთი კვირა დაგვჭირდება მონაწილეებისთვის კალმახზე თევზაობის ნებართვების მოსამზადებლად გარემოს დაცვის სამინისტროში.
რეგისტრაციისთვის საჭიროა ამ თემაში დაწეროთ სახელი გვარი და ჩარიცხოთ თანხა მითითებულ ანგარიშზე:
შეგიძლიათ უბრალოდ დაეხმაროთ ამ პროექტს და გააკეთოთ შემოწირულობა. არამონაწილეთათვის შემოწირულობის ოდენობა
1 ლარიდან.
თი-ბი-სი ბანკი: GE29TB7584445063600028
ამ ღონისძიების მიზანია სნოს ტბაში სადედე ეგზემპლარების დაჭერა (რათქმაუნდა სპორტული მეთოდით), და იქვე ჩვენი კლუბის მეთვალყურეობის ქვეშ მყოფ, საქვირითო არხში უსაფრთხოდ გადაყვანა შემდგომი ქვირითობისათვის. ცისარტყელა კალმახის დაჭერის შემთხვევაში, მონაწილეს შეუძლია დაიტოვოს თევზი საკუთარი შეხედულებისამებრს.
საქველმოქმედო ხასიათი მივეცით რადგან აღარ გვყოფნის ფინანსები ფიზიკურად, მონაწილეობის საფასური არის 20 ლარი. შემოსული თანხა მთლიანად მოხმარდება საქვირითო არხის კეთილმოწყობას (ღობე, განათება).
განრიგი და მოთხოვნები:
4:00 სთ - ადგილზე ჩასვლა, მონაწილეები შეგროვება (მოკითხვა- გაცნობა)
4:30 სთ - მცირე სემინარი დაჭერილი თევზის წყლიდან უსაფრთხოდ გამოყვანა / არხში გადაყვანასთან დაკავშირებით.
5:00 სთ - თევზაობის დაწყება - მკაცრი მოთხოვნა: მხოლოდ სპორტული უეკლო ნემსკავები - სპინინგის შემთხვევაში არაუმეტეს 2 ცალი უეკლო ნემსკავისა (რანაირი სამკავი).
11:00 სთ - თევზაობის დასასრული, შედეგების შეჯამება.
11:30 სთ - შესვენება-სამხარი (ლანჩი) - როგორც დაგვაქ ხოლმე ცოტ ცოტა ყველას, აი ისეთი ლანჩი.
13:00 - 15:00 სთ - არხის კეთილმოწყობის სამუშაოები, ღობეების დამონტაჟება, ნაპირების დასუფთავება და ა.შ. ღობეს შევიძენთ ამ ფესტივალიდან შემოსული თანხით წინასწარ.
ამ დროის შემდეგ ვისაც უნდა შეუძლია დარჩეს ტბაზე დღის ბოლომდე სათევზაოდ (იგივე სპორტული მეთოდებით რაღათქმაუნდა).
ორგანიზატორები:
საქართველოს გაშოლტვით მეთევზეთა კლუბი
საქართველოს სპინინგის ფედერაცია
საქართველოს სპორტული და სამოყვარულო თევჭერის ფედერაცია
წესები:
გამოიყენება მხოლოდ გაშოლთვის ან სპინინგის (ზე მსუბუქი) ანკესები.
ნემსკავები მხოლოდ სპორტული.
სატყუარა მხოლოდ ხელოვნური.
ნემსკავების რაოდენობა:
სპინინგის შემთხვევაში მაქსიმუმ ენაგაუქმებული 2 ცალი ნემსკავი.
(სამკავის გარეშე)
შოლტის ანკესის შემთხვევაში მაქსიმუმ 2 ცალი ენაგაუქმებული 2 ცალი ნემსკავი.
(ორკავის გარეშე)
არ შეიძლება თევზის გამოყვანის დროს გადაღლა.
არ შეიძლება თევზზე მშრალი ხელის მოკიდება.
არ შეიძლება თვეზის წლიდან ამოყვანა 10 წმ– ზე მეტხანს.
არ შეიძლება თევზის ნაპირზე ამოყვანა.
არ შეიძლება თევზის ხელში აყვანა თუ ქვემოთ წყალი არ არის.
არ შეიძლება თევზის სიმაღლიდან გადაგდება გაშვების დროს
არ შეიძლება თევზის გაშვება თუ თევზი არ მოძლიერდება, გაშვებამდე თევზს წყალში ვამოძრავებთ წინ და უკან,
წყალმა რომ ლაყუჩებში გაიაროს, როდესაც დავრწმუნდებით რომ თევზი მოძლიერდა მხოლოდ მაშინ ვუშვებთ ხელს,
წინააღმდეგ შემთხვევაში თევზი შესაძლოა დაიღუპოს.
ცისარტყელა კალმახი უკან გაშვებას არ ექვემდებარება, მისი დატოვე შეუძლია აქციის ყველა მონაწილეს.
აუცილებელი აღჭურვილობა:
წყალგაუმტარი კომბინიზონი
ხელთათმანი
მოკლე, თევზის ამოსაყვანი ჩოგან-ბადე
პოლარიზებული სათვალეები
ნემსკავის გამოსაძრობი ინსტრუმენტი
ნემსკავის ტიპი:
უჟანგავი მაღალი ხარისხის ნემსკავი.
ტურნირში მონაწილეობის მიღება შეუძლიათ:
სპინინგის შემთხვევაში - მონაწილეობის მსურველმა უნდა წარმოადგილოს კლუბის ან ფედერაციის რეკომანდაცია მისი გამოცდილების შესახებ.
გაშოლთვის შემთხვევაში - მხოლოდ კლუბის გამოცდილი წევრებისათვის.
იმედი გვაქ ბევრნი მოვგროვდებით, წინასწარ გიხდით მადლობას.
- წინადადებები მიიღება.
