ყურადღება მეგობრებო!
საქართველოს ფიდერით სპორტული თევზჭერის ეროვნული ფედერაცია
აცხადებს მზადებას ჩვენი ქვეყნის პირველი ეროვნული ჩემპიონატისთვის ფიდერით სპორტულ თევზჭრაში!
ეროვნული ჩემპიონატის პირველი ეტაპი ჩატარდება 18 აპრილს
მაშ ასე, ჩვეულ სტილში:
ტურნირის ორგანიზატორი: "საქართველოს ფიდერით სპორტული თევზჭერის ეროვნული ფედერაცია"
მხარდაჭერა: საქართველოს სპორტული და სამოყვარულო თევზჭერის ეროვნული ფედერაცია, ფედერაციის ოფოციალური ვებსაიტი SportFishing.ge
ტურნირის ოფიციალური სახელწოდება: "2015 წლის ეროვნული ჩემპიონატის პირველი ეტაპი ფიდერით თევზჭერაში"
ტურნირის ჩატარების თარიღი: 18 აპრილი
ტურნირის ჩატარების ადგილმდებარეობა: ნადარბაზევის ტბა
ტურნირის სტატუსი: ღია შეჯიბრება ფიდერით თევზჭერაში, რეიტინგული ტურნირი მოქმედი სპორტსმენებისათვის
ტურნირის მიზანი: ფიდერით სპორტული თევზჭერის პოპულარიზაცია საქართველოში და მოქმედი სპორტსმენების პროფესიონალური რეიტინგის განსაზღვრა
შეჯიბრება ჩატარდება საქართველოს ფიდერის სპორტული თევზჭერის ფედერაციის მიერ დამტკიცებული წესებით. მონაწილეობა შეუძლია მიიღოს ნებისმიერმა ფიდერით დაინტერესებულმა პირმა
ტურნირი ჩატარდება შემდეგი წესების დაცვით:
1. თევზაობა დაშვებულია მხოლოდ ფიდერის ანკესით, რომელიც აღჭურვილია კენკვის სიგნალიზატორით - ქვივერტიპით. სხვა ტიპის სიგნალიზატორები, მათ შორის ელექტრონული, აკრძალულია;
2. შეჯიბრზე თევზჭერის ზონა დაიყოფა სექტორებად მონაწილეთა რაოდენობის შესაბამისად;
3. თითო სექტორისთვის გამოყოფილი იქნება სანაპირო ზოლის 10 მეტრი;
4. შეჯიბრი წარმოადგენს გუნდურ პირველობას და ამიტომ სატურნირო სანაპირო ზოლი დაიყოფა 3 ზონად (შესაძლებელია მოხდეს დაყოფა ნახევარზონებად), ზონები კი სექტორებად. თითოეულ ზონაში მოხვდება ყოველი გუნდის თითო წევრი. სექტორში დაიშვება მხოლოდ ერთი მეთევზე. უცხო პირების შესვლა სექტორში შეჯიბრის პერიოდში კატეგორიულად აკრძალულია (მსაჯების გარდა);
5. თევზაობა ნებადართულია მხოლოდ ერთი ანკესით. მეთევზეს აქვს უფლება ჰქონდეს ერთი ან მეტი სათადარიგო ანკესი აწყობილ მდგომარეობაში, რომელიც უნდა იყოს მოთავსებული სექტორის ფარგლებში;
6. დამატებითი აღჭურვილობის და საკვების შეტანა სექტორში ტურნირის მსვლელობის დროს კატეგორიულად აკრძალულია;
7. თევზჭერა ნებადართულია მხოლოდ ერთი ნემსკავით;
8. თევზჭერის დროს დასაშვებია მხოლოდ სპორტული ინ–ლაინ მონტაჟი;
9. დასაკვებად დასაშვებია ნებისმიერი დამატებითი საკვები. მაქსიმალური რაოდენობა 12 ლიტრი. დაკვება უნდა წარმოებდეს მხოლოდ საკვებურით, ხელით და შურდულით დაკვება აკრძალულია.
10. დასაშვებია ნებისმიერი ცხოველური ან მარცვლეული სატყუარა, რომლის წამოცმაც შეიძლება ნემსკავზე. ნემსკავზე გასაკეთებლად აკრძალულია ცომისებური სატყუარები, თევზის ლიფსიტა, თევზის ნაწილები ან ქვირითი. თმიანი მონტაჟი აკრძალულია. აკრძალულია პოპ–აპ საშუალებები, მაგალითად პენოპლასტის ბურთულები.
11. დაჭერილი თევზის მოსათავსებლად ნებადართულია მხოლოდ რბილი მასალისგან დამზადებული შესანახი ბადეები სიგრძით არანაკლებ 2 მეტრისა. ლითონის ბადეები კატეგორიულად აკრძალულია.
12. აწონვის შემდეგ დაჭერილი თევზი უნდა დაუბრუნდეს მშობლიურ წყალსაცავს.
13. კატეგორიულად აკრძალულია ტურნირში მონაწილეობა არაფხიზელ მდგომარეობაში ან ალკოჰოლური სასმელების მოხმარება ტურნირის მსვლელობის დროს.
ზემოაღნიშნული წესების უხეში დარღვევის შემთხვევაში მსაჯთა კოლეგიას უფლება აქვს მოახდინოს მონაწილეს დისკვალიფიკაცია ტურნირიდან და ბათილად სცნოს მისი მონაწილეობის შედეგი
ეროვნული ჩემოპიონატის პირველი ეტაპის ჩატარების განრიგი:
ტურნირი ჩატარდება 18 აპრილს, შაბათს
5:30 შეკრება თბილისში, რესპუბლიკის მოედანზე (აქ გამოცხადება თბილისელებისთვის სავალდებულოა!)
6:00 გასვლა ტბის მიმართულებით
7:15 – 8:00 კენჭისყრა
8:00 სექტორში შესვლა – ყურადღებით გაეცანით ქვემოთ მოცემულ ინფორმაციას!!!
სექტორსი შესვლის ------ დროს მიმდინარეობს დასაკვების მომზადება, აღჭურვილობის გაშლა, ფსკერის გამოკვლევა სიმძიმით, მარკირება აკრძალულია, საკვებურის წყალში გადაგდება აკრძალულია და ისჯება დისკვალიფიკაციით, მსაჯის მოთხოვნის თანავე მეთევზე ვალდებულია წარმოადგინოს სათევზაო მონტაჟი შესამოწმებლად, ასაევე სიგნალამდე "დაკვების სტარტი" მსაჯთა ბრიგადა შეამოწმებს დასაკვების რაოდენობას, რომელიც არ უნდა აღემატებოდეს 12 ლიტრს. მონაწილე ვალდებულია წარმოადგინოს დასაკვები სპეციალურ დანაყოფიან სათლში)
8:50 დაკვების სტარტი
9:00 შეჯიბრების სტარტი
16:00 შეჯიბრების ფინიში
16:00 – 17:00 აწონვა და შედეგების დათვლა (შედეგები დაითვლება ფიდერის საერთაშორისო წესების მიხედვით)
17:00 დაჯილდოვება
პ.ს. საშეჯიბრო თითო ტურის ხანგრძლივობა ფიდერის საერთაშორისო წესებით არ აღემატება 5 საათს. რეიტინგული ტურნირები ტარდება 2 ტურად. მაგრამ ვინაიდან ჩვენი ტურნირებიდან მხოლოდ საქართველოს თასი გახლავთ ორტურიანი, ერთურიან შეჯიბრბებზე საასპარეზო დრო გაზრდილი გვაქვს და შეადგენს 7 საათს.
შეჯიბრების განრიგი ასევე განთავსებული იქნება ამ თემის პირველ გვერდზე
შეჯიბრში მონაწილეობის მსურველებმა უნდა შემოიტანონ სარეგისტრაციო მოსაკრებელი 30 ლარი TBC ბანკში შემდეგ ანგარიშზე:
საქართველოს ფიდერით სპორტული თევზჭერის ეროვნული ფედერაცია
საბანკო კოდი: TBCBGE22
ანგარიში: GE32TB7601436080100003
თანხის შეტანის ბოლო ვადა 14 აპრილი
აქვე შეგახსენებთ მეგობრებო, რომ ფედერაციის წევრებმა უკვე უნდა იზრუნოთ 2015 წლის საწევრო გადასახადზე (წლიური 50 ლარი), რათა მოესწროს ახალი წევრობის ბარათების დამზადება, რომლებიც დაგირიგდებათ შეჯიბრების შემდეგ.
ყველას გისურვებთ წარმატებას, დიდი შერკინება იწყებააა!!!
მონაწილე გუნდები:
1. "Soft Sweeps" - თენგო ბინიაშვილი (Dentist) +, გია ჩიტაიშვილი (Gia Chit ) +, გიგა ბაინდურაშვილი (Giga-Bai) +;
2. "profisher" – ანდრო სიარგი (Andro) +, ბესო კაკულია (Beso) +, დავით ბროძელი (Glaxuna) + ;
3. "Smart Feeder" - მალხაზ მახარაშვილი (maxo06) +, გიგა გაბრიაძე (GigaG) +, ზურა ჩაქალოვი (zura-chakalovi) +;
4. "Murena " - მიშა ხიზანიშვილი + ,გიგა ამაშუკელი + ,კახა ფანჩულიძე +
5. "მეკობრეები" - ლევან ნიაური + ,ლევან დვალი + , აკაკი წიტაიშვილი +
6. "FishFinders" - არტურ ვართარეზოვი +,დიმიტრი ჯარიაშვილი + ,ლაშა დარჩიაშვილი +
7. "FeederMania" - ირაკლი თალაკვაძე +,გიორგი ქუფარაშვილი + ,ლევან ბაქრაძე +
8. "Only Feeders" -მამუკა გეგეჭკორი +,ბადრი ხოსრუაშვილი + ,ვლადიმერ ზარკალიანი +
9. "ქვივერი"- დავით ბერაია(kvipriane) + ,გოგიტა გიგაური +, ოთარი ქორიძე.(don04) +
10. "Gorillaz" - გიორგი ლაფაჩი +, ლექსო ავლოხაშვილი +, ნიკა ლომსაძე +
11. "ALLIGATORS" – იოსებ დალაქიშვილი (RANGER64) + ,დავით იაკობიძე + დავით დალაქიშვილი (DADA74) +
12."ფიდერის სპეცები"- დავით დევდარიანი +, ვანო მეხრიშვილი +, გიორგი კოხრეიძე +
13. "Kings of fishing" - ბარსეგ ასატუროვი + , ზაზა ხორნაული + , სერგო კურგინიანი (KURGENA)+
14. "Three Fishers" – ბაჩო ბერძენიშვილი + , გიორგი ხუტაშვილი, კოტე გრძელიძე +
15. "HOOKS" - ვასილი ბუთხუზი(vasilich) +, მიშა ყეინაშვილი (mishka)+ , ივანე მურადელი +
16. "GOODFELLAS" - ბექა ბაშინურიძე +, მიხეილ ხიდირბეგიშვილი + ,დავით მარინაშვილი +
17. " №17" - ირაკლი ვარაზი + ,გოგა მარღანია +, კაკო რეხვიაშვილი +
18. "Fun Team"- გერბერტ ვალაბუევი +,მაქსიმ ვალაბუევი +,ალექს გალაჩი +
19. "Feeder Fishers " - გიორგი ბიძინაშვილი +, დავით ორდენიძე +, ნოდო ბერძენიშვილი +.
20. "Feederholics " - გიორგი მაჭარაშვილი + , ნიკოლოზ ნიჟარაძე +, კახა ელიზბარაშვილი +
პირადი :
1. პავლე ზედგინიძე
2. მიშა ფხაკაძე
3.
4.
5.