ღია ტურნირი "თბილისის ზღვა 2024"
ტურნირის ორგანიზატორი: საქართველოს სპინინგით თევზჭერის ფედერაცია
ტურნირის სახელწოდება: "ღია ტურნირი თბილისის ზღვა 2024"
ტურნირის ჩატარების თარიღი: 27 აპრილი 2024 წელი
ტურნირის ჩატარების ადგილმდებარეობა: საქართველო, "თბილისის ზღვა".
შეკრებისა და ტურნირის ზუსტი ადგილი გამოქვეყნდება ტურნირამდე რამდენიმე დღით ადრე
ტურნირის მიზნები:
· სპინინგით თევზჭერის პოპულარიზაცია საქართველოში,
· დაიჭირე-გაუშვი“-ს პრინციპით სპორტული და რეკრეაციული თევზჭერის დანერგვა და განვითარება.
· მონაწილეთა ოსტატობის ამაღლება, გამოცდილების მიღება და საუკეთესო მეთევზე-სპორტსმენების გამოვლენა.
· ჯანსაღი ცხოვრების წესის, სპორტული და სამოყვარულო თევზჭერის და ბუნებაზე ზრუნვის პროპაგანდა,
· მეთევზე სპორტსმენებს შორის საერთაშორისო, მეგობრული ურთიერთობების ჩამოყალიბება/გამყარება
დებულება ტურნირის შესახებ:
ტურნირი ჩატარდება 2 ტურად ერთი დღის განმავლობაში.
შეკრების ადგილის და ტურნირის ლოკაცია: 112 -ის მიმდებარე ტერიტორია.
რეგლამენტი:
06:30 სთ-მდე შეკრება დანიშნულების ადგილას.
06:30 - 07;10 - ინსტრუქტაჟი (წესების შეხსენება და სხვა...) კენჭისყრა/მომზადება.
07:10 – 07:40 – ზონებში შესვლა.
08:00 - პირველი ტურის სტარტი
10:00 - პირველი ტურის ფინიში
10:00 – 11:00 - შესაბამის ზონებში გადანაცვლება
11:00 - მეორე ტურის სტარტი
13:00 - მეორე ტურის ფინიში. შეკრება საწყის ადგილას.
2. ტურნირში მონაწილეობა
2.1 ტურნირში მონაწილეობის მიღება შეუძლია ნებისმიერ სრულწლოვან პიროვნებას,
განურჩევლად სქესის, მოქალაქეობისა და აღმსარებლობისა, ასევე არასრულწლოვან მონაწილეებს ვინმე სრულწლოვან პასუხისმგებელ პირთან ერთად;
იმ შემთხვევაში, თუ პასუხისმგებელი პირი ვერ ახერხებს ტურნირზე დასწრებას, აუცილებელია არასრულწლოვანი მონაწილე წარსდგეს მშობლის მიერ ხელმოწერილი განცხადებით.
ტურნირში მონაწილეობა ეკრძალებათ ბელორუსისა და რუსეთის ფედერაციის მოქალაქეებს. გამონაკლისის უფლებას იტოვებს ფედერაციის საბჭო.
3. რეგისტრაცია
3.1 ტურნირში მონაწილეობის მიღების მსურველებმა განაცხადი უნდა გააკეთონ ფორუმზე
(sportfishing.ge)
3.2 რეგისტრაციის გაკეთების შემდგომ უნდა შემოიტანონ/გადმორიცხონ ტურნირში
მონაწილეობისათვის დაწესებული მოსაკრებელი.
3.3 მოსაკრებლის გადაუხდელობის შემთხვევაში მონაწილე ტურნირზე არ დაიშვება.
4. ტურნირში მონაწილეობის მოსაკრებელი
4.1 ტურნირში მონაწილეობისთვის დაწესებულია მოსაკრებელი: 35 ლარი
4.2 მოსაკრებელი აუცილებლად უნდა ჩაირიცხოს მითითებულ ანგარიშის ნომერზე 2024 წლის 26 აპრილის 18:00 საათამდე.
4.3 მიმღების ბანკი: თიბისი ბანკი
მიმღები: ლევან თასოშვილი .
ანგარიშის ნომერი: GE70TB7856845063600026
გთხოვთ დანიშნულებაში მიუთითოთ: "თბ. ზ. სახელი და გვარი".
4.4 თანხის გადმორიცხვის შემდგომ თუ მონაწილე ვერ გამოცხადდება ტურნირზე, თანხა უკან აღარ დაუბრუნდება.
5. ტურნირის წესები
5.1 ნებადართულია მხოლოდ სპინინგის მეთოდით თევზაობა.
5.2 ნებადართულია მუხლამდე წყალში შესვლა.
5.3 მონაწილეს შეუძლია თან ატაროს შეუზღუდავი რაოდენობის სასპინინგე ჯოხი, ამასთან ჯოხის პარამეტრები შეზღუდული არ არის.
5.4 ზონებში თევზაობისას მინიმალური დისტანცია, რაც უნდა დაიცვას ყველა სპორტსმენმა მეორე სპორტსმენის მიმართ, არის 10 მეტრიან წესის დარღვევა გამოიწვევს მსაჯის შეხედულებისამებრ გადაწყვეტილებას.
5.5 წყალსატევზე მონაწილე უნდა გადაადგილდებოდეს შეძლებისდაგვარად უხმაუროდ და თავისი ქმედებებით ხელს არ უნდა უშლიდეს შეჯიბრის სხვა მონაწილეებს. ამ წესის დარღვევა გამოიწვევს მსაჯის შეხედულებისამებრ გადაწყვეტილებას.
5.6. ამინდის მკვეთრად გაუარესების შემთხვევაში, მთავარი მსაჯი გადაწყვეტს ტურნის გაგრძელების, დროებით შეჩერების ანდა გადადების საკითხს. შესაძლოა გამოიყენოს მონაწილეების ხმათა უმრავლესობის გადაწყვეტილება.
5.7 წესების დარღვევის შემთხვევაში მთავარ მსაჯს ან მსაჯთა კოლეგიას შეუძლია გამოიყენოს შემდეგი სახის სანქციები:
* სიტყვიერი გაფრთხილება
* დისკვალიფიკაცია
* შეჯიბრიდან მოხსნა
* ქულების ანულირება
* დაჯარიმება
6. მონაწილეს ეკრძალება
6.1 იმ ზონის ფარგლებს გარეთ თევზაობა, რომელიც არის განსაზღვრული და მონიშნული/მითითებული.
სანქცია: მიმდინარე შედეგის ანულირება
6.2 თევზჭერის ზონის დატოვება.
სანქცია: შეჯიბრიდან მოხსნა
6.3 სხვა სპორტსმენებისგან რაიმე სახის დახმარების მიღება (მათ შორის რჩევის სახითაც, თუ მეწყვილე არაა)
სანქცია: გაფრთხილება, განმეორებაზე -30 ქულა (ორივე სპორტსმენს)
6.4 სტარტამდე და ფინიშის შემდგომ თევზაობა
სანქცია: -100 ქულა
6.5 ხელოვნურად ნაქსოვი მწერის იმიტაციების გამოყენება
სანქცია: შეჯიბრიდან მოხსნა
6.6 ძუის დამძიმება თუ სიმძიმე უშუალოდ სატყუარას არ ებმის
სანქცია: -50 ქულა
6.7 ტურნირის მსვლელობისას უცხო პირთან ნებისმიერი სახის ურთიერთობა
სანქცია: გაფრთხილება, განმეორებაზე -30 ქულა
6.8 სექტორის შეცვლისას თავისი პირადი ნივთების მიტოვება
სანქცია: გაფრთხილება, განმეორებაზე -30 ქულა
6.9 ნებისმიერი სახის მოსაჩვევის გამოყენება
სანქცია: შეჯიბრიდან მოხსნა
6.10 ალკოჰოლური სასმელის, ან სხვა გამარბუებელი საშუალების მიღება ტურნირის ოფიციალურ დახურვამდე.
სანქცია: შეჯიბრიდან მოხსნა
6.11 წესების დარღვევის შემთხვევაში მთავარ მსაჯს ან მსაჯთა კოლეგიას შეუძლია გამოიყენოს შემდეგი სახის სანქციები:
* სიტყვიერი გაფრთხილება
* დისკვალიფიკაცია
* შეჯიბრიდან მოხსნა
* ქულების ანულირება
* ქულების დაკლება
* დაჯარიმება
7. ნადავლის ჩათვლა
7.1 ჩასათვლელად მიიღება მხოლოდ და მხოლოდ ცოცხალი თევზი.
7.2 ჩასათვლელად მიიღება მხოლოდ შემდეგი ჯიშის თევზები: ქორჩილა და ფარგა.
7.3 ნადავლის გაზომვა მოხდება მხოლოდ სიგრძის მიხედვით ტურნირის მსვლელობის დროს შემდეგი წესების დაცვით:
თევზის დაჭერისთანავე სპორტსმენი მას ათავსებს თევზის შესანახ ბადეში. როდესაც ტურნირის ერთ-ერთი მსაჯი შემოვლისას მასთან ახლოს მოხვდება, სპორტსმენს უფლება აქვს უხმოს მას ნადავლის გასაზომად. ნადავლის გაზომვის წესი შემდეგია: სპორტსმენი ვალდებულია თავად ამოიყვანოს თევზი ბადიდან და ნაპირზე მიაწოდოს იგი მსაჯს, რომელიც უზრუნველყოფს მის გაზომვას სპეციალური საზომით. მას შემდეგ, რაც თევზი გაიზომება, მსაჯი სპორტსმენის თანდასწრებით შეიტანს ჩანაწერს ჟურნალში, სადაც აღნიშნული იქნება ნადავლის სახეობა და მისი ზომა.
აღნიშნული პროცედურის დასრულების შემდეგ მსაჯის თანხლებით და მისი უშუალო მითითებით თევზი დაუყოვნებლივ უნდა იქნას გაშვებული უკან წყალსატევში.
თუ სპორტსმენს თევზი ჰყავს შესანახ ბადეში, რომელიც ჯერ არ გაზომილა და ამ დროს მოუსწრებს ფინიში, იგი ვალდებულია შეწყვიტოს თევზაობა, თუმცა თევზის შესანახი ბადე დატოვოს წყალში და დაელოდოს მსაჯს, რომელიც მოვა და გაზომავს მის ნადავლს.
7.4 შეჯიბრის დროს დაჭერილი თევზი უნდა ინახებოდეს ძაფისგან მოქსოვილ თევზის შესანახ ბადეში.
7.5 ჩასათვლელად წარმოდგენილი თევზის მინიმალური ზომებია:
• ქორჩილა - 15 სმ;
• წერი - 30 სმ.
7.6 ნადავლის შეფასება მოხდება ქულათა სისტემით. შეფასება იწარმოებს ნადავლის სიგრძის გაზომვით და შესაბამისი ქულების მინიჭებით:
• ქორჭილა 15-30 სანტიმეტრამდე 1 სმ = 1 ქულა .
• ქორჭილა 30 სანტიმეტრიდან 1 სმ = 2 ქულა .
• წერი 1 სმ = 2 ქულა.
7.7 თევზის სიგრძე იზომება 1 სმ-იანი სიზუსტით. იმ შემთხვევაში, თუ თევზის სიგრძე არა მთელი რიცხვია, მრგვალდება ნაკლები მნიშვნელობისკენ. მაგალითად თუ თევზის სიგრძე უდრის 18,9 სმ, ის დამრგვალდება ნაკლები მნიშვნელობისკენ და დაიწერება 18 სმ.
8. გამარჯვებულის გამოვლენა
8.1 შეჯიბრის გამარჯვებული არის ის გუნდი, რომელმაც მიიღო სპორტსმენების მიერ დაკავებული ადგილების ყველაზე ცოტა ჯამი ყველა ტურის განმავლობაში. იმ შემთხვევაში, თუკი ორ ან მეტ გუნდს თანაბარი რაოდენობის ადგილების ჯამი აქვს, გამარჯვებულად ითვლება ის გუნდი, რომელსაც აქვს უფრო მეტი ქულათა ჯამური რაოდენობა ყველა ტურის განმავლობაში. თუკი ეს მაჩვენებელიც თანაბარია, გამარჯვებულად ითვლება ის გუნდი, რომლის მიერ დაგროვილი ქულათა რაოდენობაც უფრო მეტია ბოლო ტურის მიხედვით. იმ შემთხვევაში, თუკი ეს მაჩვენებელიც თანაბარია, ინიშნება ერთნაირი ადგილები.
8.2 ტურნირის გამარჯვებული პირად ჩათვლაში არის ის სპორტსმენი, რომელმაც მოაგროვა ყველაზე ცოტა ადგილების ჯამი ყველა ტურის განმავლობაში. იმ შემთხვევაში, თუკი ორ ან მეტ სპორტსმენს თანაბარი რაოდენობის ადგილების ჯამი აქვს, გამარჯვებულად ითვლება ის სპორტსმენი, რომელსაც ყველა ტურში დაგროვებული ქულათა ჯამი აღემატება მოწინააღმდეგის ქულათა ჯამს, თუკი ეს მაჩვენებელიც თანაბარია, გამარჯვებულად ითვლება ის სპორტსმენი, რომლის მიერ დაჭერილი ყველაზე დიდი თევზი მოწინააღმდეგის მიერ დაჭერილ ყველაზე დიდ თევზზე დიდია. იმ შემთხვევაში, თუკი ეს მაჩვენებელიც თანაბარია, მაშინ შედარდება მეორე ყველაზე დიდი თევზი და ასე შემდეგ. იმ შემთხვევაში, თუ ყველა ეს პარამეტრი ტოლი იქნება, ინიშნება ერთნაირი ადგილები.
8.3 ყოველ ტურში ადგილის დასაკავებლად გამოიყენება F.I.P.S.E.D.-ის მიერ დამტკიცებული და მოქმედი წესები: სპორტსმენები, რომლებიც დაიჭერენ თევზს, ტურში დაიკავებენ ადგილს შესაბამისი ქულების მიხედვით, ხოლო იმ სპორტსმენებს, რომლებიც დარჩებიან უთევზოდ, დაეწერებათ უთევზოდ დარჩენილი სპორტსმენების საშუალო არითმეტიკულის ტოლი ქულა. მაგალითად, ტურში მონაწილეობს 24 სპორტსმენი. აქედან მხოლოდ 17-მა მონაწილემ დაიჭირა თევზი და გაინაწილა ადგილები 1-დან 17-მდე, უთევზოდ დარჩენილი 7 სპორტსმენი მიიღებს დარჩენილი ადგილების საშუალო არითმეტიკულის ტოლ ქულას: ანუ(18+24):2=21. თუკი 24 სპორტსმენიდან ერთი დარჩა უთევზოდ, იგი მიიღებს ბოლო ადგილის ტოლ ქულას ანუ 24. თუკი რომელიმე სპორტსმენმა გამოტოვა ტური იგი ასევე მიიღებს ბოლო ადგილის ტოლ ქულას 24 -ს.
ტურნირის სპონსორებია :
იაპონური ონლაინ მაღაზია DIGITAKA
უკრაინული კომპანია favorite
იაპონური ონლაინ მაღაზია zenmarket
კენჭისყრის დროს, გათამაშდება სასპინინგე კოჭა SHIMANO SAHARA C2000 S .
საქართველოს სპინინგით თევზჭერის ფედერაცია მიესალმება კერძო ან იურიდიული პირებისგან დაწესებულ პრიზებს, რადგან ნებისმიერი წამახალისებელი ფაქტი დიდ სტიმულს აძლევს თითოეულ სპორტსმენს.
მონაწილეთა სია:
1. ვახტანგ მუსხელიშვილი
2. ანდრო აბაშიძე
3. ბაჩო ადამია
4. გიორგი ლეკიაშვილი
5. აჩი კორღალიძე
6. ზურაბ გრანდელი
7. ლევან გოგორიშვილი
8. ზურა ბაბუნაშვილი
9. ლევან ლეკიაშვილი
10. გუგა ჭიჭიკოშვილი
11. გიორგი ჩოხელი
12. გიორგი ტურაშვილი
13. გიორგი ხიზანიშვილი
14. ბადრი ეზუგბაია
15. რომა გორგოშიძე
16. ბაჩი ჯინჭარაძე
17. შოშიაშვილი საბა
18. რევაზ გუბელიძე
19. ლაშა ჩაჩუა
20. დავით ავლოხაშვილი
21. გიორგი ოთინაშვილი
22. თენგიზ ფუხაშვილი
23. ნიკოლოზ ანსიანი
24. ილია ურიგაშვილი
25. გიორგი შავლაძე
26. ნიკა ტოგონიძე
27. ნიკა აბესაძე
28. ირაკლი საჯაია
29. ლევან გიორგაძე
30. ლუკა გიორგაძე
