მეგობრებო, ვფიქრობ დროული იქნება გავხსნათ თემა, სადაც განვიხილავთ იმ ფაქტორთა ერთობლიობას, რომლებიც განსაზღვრავენ ჩვენ წარმატებას ფიდერით თევზჭერაში არა ჩვეულებრივ სამოყვარულო სასიებზე, არამედ მკაცრ სატურნირო პირობებში.
ამ თემის გახსნის იდეა განაპირობა იმ ფაქტმა, რომ ფორუმზე გამუდმებით გვაქვს საუბრები არომატიკაზე, ნემსკავებზე და სხვადასხვა ფიდერულ საკითხებზე და ატრიბუტიკაზე, მაგრამ არ ვსაუბრობთ ამ ატრიბუტიკის ერთობლივ გამოყენებაზე და ეფექტურობაზე სატურნირო პირობებში.
გთავაზობთ თემას, სადაც ერთმანეთს გავუზიარებთ და განვიხილავთ ტურნირებზე მიღებულ ჩვენს გამოცდილებას. საიდულო "ფიშკებზე" არ მაქვს საუბარი 
ეს ხუმრობით, რადგან ყველამ ვიცით, რომ წარმატების მთავარი საიდუმლო სათანადო ცოდნა, ტექნიკა და გამოცდილებაა. ნუ ცოტა იღბალიც არ გვაწყენს ხოლმე 
თემის დასაწყისში ვეცდები პირადად ჩემი პოზიცია ჩამოვაყალიბო და ჩამოვთვალო ის ფაქტორები, რომლებიც ჩემთვის ფიდერით თევზჭერაში ყველაზე მნიშვნელოვანია.
ფიდერით თევზჭერაში წარმატების მიღწევა ძალიან ბევრ ფაქტორზეა დამოკიდებული. საუბარი მაქვს ტურნირის რეჟიმში თევზაობაზე, როცა ძალიან ზუსტად უნდა გათვალო ყველაფერი და ყველა შეცდომა დაკარგულ ქულებს ნიშნავს. თორე სამოყვერულო თევზაობა ბევრ რამეს "გპატიობს". შევეცდები გაგიზიაროთ პირადად ჩემი შეხედულებები იმ ფაქტორებზე, რომლებიც განაპირობებენ ტურნირზე წარმატებას. კიდევ ვიმეორებ, ეს ჩემი ხედვაა. ამ ფაქტორებს დავალაგებ მნიშვნელობის მიხედვით.
- ფსიქოლოგია. ანუ წარმატების ლომის წილი სწორ განწყობაზეა დამოკიდებული. საუბარია მყარ ფსიქიკაზე, როცა განწყობილი ხარ მოგებაზე და რაც ყველაზე მთავარია, უშუალოდ თევზაობის დროს არ შფოთავ მეზობელი სპორტსმენის მიერ დაჭერილი ყველა თევზის შემდეგ, დროულად ახორციელებ ცვლილებებს და არ იბნევი ბრიჯივით
, თუნდაც საქმე ისე არ მიდიოდეს, როგორც ჩაფიქრებული გქონდა. ჩემი აზრით ეს ნომერ პირველი ფაქტორია. - სათევზაო სექტორში სწორად მოძებნა იმ ადგილისა (წერტილისა), რომელიც უზრუნველყოფს ყველაზე ინტენსიურ კენკვას. ამისათვის უნდა კარგად ვიცოდეთ ფსკერის ზონდირების ტექნიკა და უნდა ვიპოვოთ საჭირო დისტანცია.
- სატყუარას ეფექტური პრეზენტაცია. უპირველეს ყოვლისა ამ ფაქტორის ეფექტურობას განსაზღვრავს სწორად აწყობილი და სწორად შერჩეული მონტაჟი – სადავეს სიგრძე და დიამეტრი, საკვებურას ტიპი, ზომა და წონა, ნემსკავების ზომა და ა.შ.
- თავად სატყუარა – ანუ უნდა გვქონდეს მრავლი ტიპის სატყუარები. ასევე ძალზედ მნიშვნელოვანია სატყუარას ნემსკავზე წამოცმის ტექნიკა – ჭიების რაოდენობა, ზომები და ა.შ.
- ზუსტი წერტილოვანი კვება. ანუ ყოველ ტყორცნაზე საკვებურა უნდა ერთსადაიმავე ადგილას დეაშვას. ამისათვის კარგად უნდა ვფლობდეთ ფიდერით ტყორცნის ტექნიკას და სათევზაო მანძილის განსაზღვრის და შენარჩუნების ტექნიკას.
- კარგად დამზადებული დასაკვები – სწორად შერჩეული ფრაქციები და შემადგენლობა. ანუ დასაკვები უნდა მუშაობდეს ისე როგორც ჩვენ გვინდა – მძუმედ წვებოდეს ფსკერზე ან პირიქით "მთვერავდეს", მოკლედ ასრულებდეს ჩვენ ჩანაფიქრს.
- ნემსკავი. ხარისხიან ნემსკავზე ვფიქრობ ნახევარი წარმატებაა დამოკიდებული.
- არომატიკა.
- ჯოხი.
- კოჭა.
- ძუა.
- ერგონომიკა, ანუ სექტორში სათევზაო აღჭურვილობის სწორად და სარგებლიანად განლაგება. საუკეთესო ვარიანტია პლატფორმით თევზაობა, რადგან ამ დროს ზედმეტი მოძრაობების რაოდენოპბა მინიმუმზეა დაყვანილი.
სიამოვნებით მოვისმენ სხვა პოზიციებს. ვფიქრობ ყველასთვის ვინც ტურნირებზე აპირებს გამოსვლას ან უკვე გამოდის, ამ საკითხების განხილვა მეტად საინტერესო იქნება.
.
