ლიდკორი არის თასმა რომელშიც გატარებულია ტყვიის მავთული, რის შედეგადაც ეს თასმა არის ხისტი, იძირება სწრაფად და რაც მნიშვნელოვანია გამოირცევა დიდი გამძლეობით, ქვიან ფსკერზე ხახუნისას ადვილად არ ზიანდება, ის გადახლართვის საწინაღმდეგო მილაკებსაც ცვლის, ლიდკორს ვიყენებთ სხვადასხვა სახის კარპის უსაფრთხო მონტაჟებისთვის.
სათევზაო მაღაზიებში ლიდკორები გვხვდება როგორც გამზადებული ასევე რგოლით სადაც სხვადასხვა სიგრძის, დიამეტრისა და ფერის ლიდკორია დახვეული. თუ ჩვენ სტანდარტული, ქარხნულად დამზადებული ლიდკორს გვირჩევნია ჩვენვე ავაწყოთ მონტაჟი, ამ შემთხვევაში რათქმაუნდა ჯობია რგოლის ლიდკორი შევიძინოთ, მისი უპირატესობაა ჩვენივე სურვილისამებრ დავარეგულიროთ მონტაჟის სიგრძე.
ლიდკორის ზომა მონტაჟისთვის დაახლოებით 60-70სმ უნდა იყოს, თუმცა თქვენი სურვილისამებრ შეგიძლიათ შეამციროთ ან გაზარდოთ მისი სიგრძე, ჩემი გამოცდილებით კი გეტყვით რომ 60 სმ-ზე დიდი ნამდვილად არ არის საჭირო.
მოკლედ დავიწყოთ ეტაპობრივად და ქვემოთ ნაჩვენები ფოტოების მიხედვით ვნახოთ თუ როგორ ხდება ლიდკორზე მონტაჟის აწყობა.
პირველ რიგში ვირჩევთ ლიდკორის, ფერს და დიამეტრს:
მონტაჟის ასაწყობად აუცილებლად გვჭირდება ლიდკორის მახათი
მონტაჟისთვის ლიდკორის სასურველ ზომის მოჭრისას აუცილებლად უნდა გავითვალისწინოთ რომ დამატებით 10-12 სმ დაგვჭირდება კვანძების გასაკეთებლად
კვანძის გასაკეთებლად ვიწყებთ შემდეგ სამუშაოებს, ლიდკორის თასმას გავწევთ უკან და ტყვიის მავთულს გამოვაჩენთ დაახლოებით 5-6 სანტიმეტრით, შემდეგ ამ მავთულს მოვჭრით, რის შემდეგაც ჩვენ დაგვრცება ლიდკორი რომლის ბოლოში დარჩენილი თასმის 5-6 სანთიმეტრი ტყვიის მავთულის გარეშეა
სადაც მავთული მთავრდება იმ ადგილას ვუყრით მახათს და დაახლოებით 2 სანტიმეტრის შემდეგ გამოვაყოფინებთ წვერს, შემდეგ ამ წვერზე მოვაბავთ ლიდკორის წვერს და მახათს გავქაჩავთ უკან, ისე რომ ბოლომდე გავიდეს ლიდკორის წვერი და ლიდკორის ბოლოში დარჩეს მონტაჟისთვის საჭირო ყულფი
ამის შემდეგ როგორც ნახეთ ფოტოზე, ლიდკორზე ზედმეტ ნაწილს მოვაჭრით და თასმაც მზადაა მონტაჟისთვის.
იხილეთ ვიდეოც
სტატიის ავტორი: “საქართველოს კარპფიშერთა კლუბი”
ლინკი ფორუმზე: ლინკი
