FEEDER – საქართველოს თასი 2021 / 2 ეტაპი

16 მაისი – 2021 წელი..

ტურნირი – ‘საქართველოს თასი’ – ფიდერით სპორტულ თევზჭერაში 2021 – ეტაპი 2 – სიონის წყალსაცავი

სიონის წყალსაცავმა საქართველოს თასის მე2 ეტაპს უმასპინძლა. ეს რიგით მეორე რეიტინგული ტურნირია, რომელიც წელს ფიდერით სპორტული თევზჭერის ეროვნულმა ფედერაციამ დააორგანიზა.

რეგისტრირებული 40 სპორტსმენი მეთევზიდან მონაწილეობა 35-მა მიიღო.

პირველი ტურის შემდეგ, მთელი კვირის განმავლობაში ტარდებოდა ვარჯიშები სხვადასხვა გუნდის მიერ სიონის წყალსაცავის სანაპიროზე. შარშანდელისგან გასნხვავებით, რატომღაც არ ჩანდა ხრამული და კარჩხანა, აქტიურობდა ძირიტადად სიონის სტანდარტული ზომის შამაია.

კენჭისყრა წინა საღამოს ჩატარდა – პირდაპირი ჩართვით სიონის სასტუმროდან, სადაც სპორტსმენების დიდი ნაწილი ისვენებს ხოლმე ტურნირის წინ. კენჭისყრის შემდგომ ყველა მონაწილემ იცოდა მისი ზონა და სექტორი. შესაბამისად ყველა მოუთმენლად ელოდებოდა მეორე დღეს ზონალურ კონკურენტებთან შერკინებას.

სიონის ტურნირი ერთერთი ყველაზე ძნელად დასაორგანიზებელი ტურნირია, მისი გზის გამო. თუ წინა დღით მაინც გაწვიმდა, სატურნირო ზოლში გადასვლა ყოვლად წარმოუდგენელია თუნდაც კარგად ეკიპირებული უგზოობის მანქანებისთვისაც. თუმცა ამჯერად ფედერაციას ისევ გაუმართლა. მთელი კვირის მზიანი ამინდების შედმეგ ტურნირმაც თბილი სიონური ამინდით ჩაიარა..

მე2 ტურის შემდეგ ნელნელა გამოიკვეთა საქართველოს თასისის მფლობელობის კანდიდატები… სიის სათავეს 4 სპორტსმენი უდგას მინიმალური 2 ქულით. ესენი არიან ზურა მერეკლიშვილი, გიგა გაბრიაძე, თენგიზ ბინიაშვილი და არტურ ვართარეზოვი. თანაბარი ქულების პირობებში მათ შორის დაახლოებით 1000-1000 გრამია სხვაობა… ამ ოთხეულს უკან მიყვებიან 3 ქულიანი სპორტსმენები: გია ჩიტაიშვილი, ზაზა ხორნაული, მალხაზ მახარაშვილი, ლადო ზარკალიანი, ზაზა ხუციშვილი და გია მოისწრაფიშვილი.

წინ დასკვნითი მე3 ტურია, რომელიც წალკის წყალსაცავზე ჩატარდება 13 ივნისს… ყველაზე დიდი მნიშნელობა ექნება კენჭისყრას და ზონის კონკურენტებს. ჩამოთვლილი ათეულიდან თითოეულს აქვს დიდი შანსი წალკის მოგების და შესაბამისად თასის აღების… თუმცა ამ სპორტსმენებშიც არიან გამორჩეული ლიდერები, რომლებიც წლების განმავლობაში წალკის წყალსაცავზე უკონკურენტოები არიან!

ფედერაციაა დიდ მადლობას უხდის ყველა მონაწილეს ღირსეული პაექრობისთვის და აზარტისთვის. დიდი მადლობა მსაჯებს ტურნირის სათანადოდ ჩატარებაში და რათქმაუნდა ძალიან დიდი მადლობა ჩვენს სპონსორებს: